كيفاش تبدا التجارة الألكترونية في المغرب 

شرح تجارة الألكترونية باللهجة المغربية

السلام العليكم اليوم في هدا المقالة غدي نشرح ليكم طريقة الربح من الاتجارة الأكترونية في المغرب باللهجة المغربية المحلية حيث بزاف مكيفهموش مزيان ب الغة العربية الفصحة دكشي علاش غدي نشرح ليكم ب الغة الي كتفهموها مزيان.

ماهية التجارة الألكترونية و كيف تبدأ

تجارة الألكتونية ساهلة غير لي مباغيش يفهم وباش تبدى فيها خاصك تفهم طريقة العمال ديالها كينة طريقة مجانية او كينة طريقة مدفوعة انا نوريهم ليك بجوج  خاص يكون عندك متجر او منتوج لي غدي تبيع او دير ليه أشهار حملة أعلانية مدفوعة في الفيسبوك  او قوقل أدورد 

 من الأحسن ليك نتا معارف حتى شي حاجة  خدم ب الطريقة المجانية متزربش على رزق راه يديوه ليك بروجولة مشي غير تشوف اليوتوبر سيمو لايف كيوري لناس القصر ديالو او سيارة الفيراري يتغمدو ليك لعيني او يتسدو ليك لودنين زير راسك معايا متمشيش عندهم يضحكو عليك.

 

التجارة الألكترونية ومتطلباتها

1- فتح متجر ألكتروني

باش تبدأ فيها خاص تفتح متجر في منصة يوكان  كتفتح حساب عادي ب معلوماتك شخصية او فاش يفعلو ليك لمتجر  غدي يطلبو منك دخل بطاقة بنكية ديالك او يقطعو ليك منها 1  دولار مرة واحد و منبعد غدي تمشي لشي موقع تشري منو دومين  لمتجر ديالك كينين بزاف المواقع كيبيعو دومينات اشهر واحد كودادي او نيم شيب 10دولار تشري ليك دومين كتربط دومين لي شريتي ب المتجر ديالك.

2- البحث عن المنتوج

الخطوة تانية صوبتي المتجر او قاديتيه خاص دابة تحط فيه المنتوج الي غادي تبيع لناس لي يدخلو ليه منين تجيبو،أغلبية المغاربة لي كيخدنو في تجارة الألكترونية كيبيعو منتوجات ديال الصين وخاة منصحكش بيها الجودة ديالها ضعيفة كيجيبوها من درب عومر او لقريعة اسواق البيع ب الجملة موجودة في مدينة الدار البيضاء بحكمها المدينة الأقتصادية سير دور او شوف ليك شي منتوج يكون تمن رخيص او شري 3 منو او جرب بيه واش غدي يخدم ليك او يجيب ليك مبيعات.

3 - طريقة عمل حملة أعلانية

لقيتي المنتوج غادي تاخد ليه صور بجود عالية او تحطها في المتجر او تحدد تم البيع مزيان او تصور فيديو لمنتوج ديالك وشنو لوضيفة  لي كيقدم او لمنافع ديالو و طريقة أستعمالو او كتمش لفيسبوك او قوقل كدير ليه حملة أعلانية او كتحط لفيديو لي صورتي لمنتوج او رابط المتجر ديالك اي شخص شاف أشهار ديالك او عجبو المنتج كيضغط على رابط كيحولو لمتجر باش يعمر طلب شراء.

4 - تأكيد طلبات الزبناء

  عندما تحصل على اشعار في منصة يوكان على سبيل الميثال خاصك ديك ساعة تواصل معا الزبون او تاخد منو عنوان المنزل ديالو باش ترسل ليه المنتج مخصكش تعطل علي حيث الى تعطلتي غدي يتراجع عن طلب المنتج او هضر معاه بطريقة محترمة و حترافية حتى ولو ميشريش منك خاصك تكسب تيقة ديالو او تقول ليه مشي مشكل الى بغيتي اي حاجة دخل الى المتجر  ديالي او كتعطيه أسم ديالو او هنتا حصلتي على زبون دائم و مجاني.

5 - طريق ارسال المنتج

كينين بزافو شركات شحن لتوصيل المنتجات في المغرب أشهر وحدة أمانة كتمشي تفتح عندهم حساب تجاري  مجاني باش اي منتج رسلتيه لشي زبون كتراقب واش وصل المنتوج او مزال  او عندما يتم تسليم المنتج الى زبون كيحطو ليك لفوسل ديالك في حسابك او كيقتاطعو ثمن توصيل الطلب.